Plantun de Prouvènço

Pèr coumpara dos planto d'encò nostre

Primula farinosa & Vicia angustifolia

Primula farinosa

Primulaceae

Nom en français : Primevère farineuse.

Descripcioun :
Dins la Tiniò, ié dison "las flours-de-Jano-d'Arc" (J.-L. Domenge in LMT, op.cit. p. 60). Es uno primadello dindouleto di flour roso emé lou centre jaune e blanc, que trachis dins li pelouso e li prado bagnado d'auto mountagno. Li fueio, touto basalo, soun quàsi ouvalo e merletado.

Usanço :
Couneissèn pas d'usanço particuliero pèr aquelo planto. La racino caup de sapounino. Escriéure au site se n'en sabès mai.

Port : Erbo
Taio : 5 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Primula
Famiho : Primulaceae

Ordre : Ericales

Coulour de la flour : Roso
Petalo : 5
Ø (o loungour) flour : 1 cm
Flourido : Printèms - Estiéu

Sòu : ca
Autour basso e auto : Pancaro entresigna
Aparado : Noun
Mai à jun

Liò : Prado umido - Bas-palun
Estànci : Subaupen
Couroulougi : Éurasiatico
Ref. sc. : Primula farinosa L., 1753

Vesso(-di-fuioun-estré)

Vicia angustifolia

Fabaceae Leguminosae

Nom en français : Vesce à feuilles étroites.

Descripcioun :
Aquesto vesso, proche de Vicia sativa, trachis dins li relarg séusous de Prouvènço. Se destrìo de la vesso cultivado que li fueioun soun proun estré, subretout aquéli d'en aut de la planto. La flour èi bèn acoulourido peréu.

Usanço :
La flour èi manjadisso, mai coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Grando erbo
Taio : 10 à 80 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 10 à 25 mm
Flourido : Printèms - Estiéu

Sòu : Si
Autour basso e auto : 0 à 1200 m
Aparado : Noun
Mai à juliet

Liò : Champino - Terraire safrous
Estànci : Termoumediterran à Coulinen
Couroulougi : Estenoumediterrano
Ref. sc. : Vicia angustifolia L., 1759

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Primula farinosa & Vicia angustifolia

ges

Coumpara Flour-de-Jano-d'Arc emé uno autro planto

Coumpara Vesso(-di-fuioun-estré) emé uno autro planto